وروستي:

افغان دارالعلوم د زده کونکو لپاره د لیلیې اسانتیا زیاتوي

افغان دارالعلوم چې د کابل ولایت بګرامۍ ولسوالۍ په احسان مېنه کي موقیعت لري، د افغان بنسټ تر مخامخ څارنې لاندي یې د ‏زده کړي او تعلیمې چارو کارونه پر مخ وړل کیږي. ‏

افغان بنسټ چې په خپل تشکیل کې افغان پوهنتون، افغان دارالعلوم، افغان ښوونځي (خوشال مینه او احمدشاه بابا مینه کې)، افغان ‏تعلیمي او خیریه مرکز لري، د مؤسسینو شورا لخوا ورته لارښوونه کیږي، د موسسینو شورا او افغان بنسټ مشرتوب د هېواد وتلې څېره ملا ‏عبدالسلام ضعیف کوي.‏

افغان دارالعلوم چې څلور کلونه کیږي خپل فعالیت یې پېل کړی، د هیواد د بېلابېلو ولایتونو ۳۵۰ لیلیه او ۲۰۰ نهاري زده ‏کوونکي لري. د تدریس چارې یې د مجربو استادانو لخوا پر مخ وړل کیږي.‏

افغان دارالعلوم د ځانګړي ښوونيز نصاب او ګټور علمي او روزنيز چاپېريال درلودلو له امله د هېواد په کچه له وتلو مدرسو څخه دی.

افغان دارالعلوم پوهنې وزارت سره د خصوصي سکتور په برخه کې نيمه رسميات لري، چې له امله يې يوازې د افغان دارالعلوم زده کوونکو ته رسمي اسناد ورکول کېږي، او د معارف د يوې سروې له مخې افغان دارالعلوم د هېواد په کچه بې ساري مدرسه ده، له همدې امله يې ورته لومړی درجه ستاينليک ورکړی دی.

د پورتنيو ځانګړتياوو له امله په افغان دارالعلوم کې د شاملېدلو لپاره د هیوادوالو غوښتنه زیاته ده، تیر کال نږدې ۱۸۰۰ کسانو په ازموینه کې برخه واخیستله ولي د لیليې او ځای نشتون له امله د ادارې لخوا یواځي ۶۰ کسان ومنل شول.‏

افغان دارالعلوم اوسمهال هم د اهل خیر په مرستو سره د زده کونکو او لیلیې اړتیا وي پوره کوي، د لیلیه زده کوونکو لپاره خوراکي ‏مواد، د استادانو معاشونه او د نورو اړتياوو ډېره برخه د هیواد اهل خیر کسانو پر غاړه اخیستې ده.‏

مدرسه په پام کې لري چې د راتلونکي کال لپاره د لیليې هغه برخه چې اوس مهال پکې د مدرسي اداره جوړه ده، په بشپړ ډول سره ‏لیلیه زده کوونکو ته ځانګړې کړي، او د دارالعلوم ادارې له پاره نوې ودانۍ جوړه کړي، تر څو راتلونکي کال کې یو شمیر نوي ‏زده کوونکو ته په لیليه کې ځای ولري، همدا رنګه يو نوی پخلنځی او لوی خوړنتون (مطعم) هم په پام کې نيول شوی دی.‏

د ادارې د ودانۍ او پخلنځي لپاره لاندي موادو ته اړتیا ده:‏

‏۱ – زر (1000) بوجۍ سمنټ

‏۲ – ۱۸ ټنه سیخ ګول، (ټولټال ۳۰ ټنه سيخ ګول ته اړتيا ده؛ خو اداره في الحال ۱۲ ټنه لري)

‏۳ – ۵۲۰ متر مربع کاشي.

‏۴ – د بناء او کارکونکو مزدوري (چې نږدي 832000 افغانۍ کیږي)

‏۵ – کړکۍ او دروازې.

يادونه: د ودانۍ لپاره پخه خښته مکمله شته.

د هیواد سواداګر، اهل خیر او دين دوسته وروڼو څخه په درنښت غوښتنه کوو چې د افغان مدرسې په رغونه او پرمختګ کې له موږ سره خپلې ‏مرستي ونه سپموي. پورته د اړتیا وړ موادو کې چې لږ یا ډیر په غاړه اخیستلای شي، د مصارفو لسټ به له پوره رونټیا سره بیرته ‏ورته سپارل کیږي. ‏

د افغان دارالعلوم اداره

پته: افغان دارالعلوم، بګرامي، احسان ښارګوټی، کابل.

: د اړيکو لپاره

+93(0) 70 20 20 60 5

برېښناليک: afghanfoundation1@gmail.com

IMG_1807

د نجونو څانګه

IMG_1728

سهارنی پيل

IMG_1754

د پيل د پای شېبې

IMG_1755

د پيل پای

IMG_1719

څرګندونه مو لاندې وليکئ

ستاسو برېښناليک خوندي دی.


*