وروستي:

غواړم پرمختګ وکړم خو….L کتاب نوی له چاپه راووت

د ” غواړم پرمختګ وکړم خو…. “ په نامه  کتاب  چي په کابل کي د افغان پوهنتون د شرعياتو او حقوقو د پوهنځيو استاذي او د کابل پوهنتون د شرعياتو د پوهنځي د تفسير او حديث د ماسټرۍ د دورې محصلي ډېوې همت لور ليکلی دی تازه له چاپه راووت.

دغه کتاب چي پر اويا ګرامه سپین کاغذ او په کارت وقايه کي، په ښکلې قطع او صحافت، خپور سوی دی او ټول ټال (۹۰) مخونه لري، د چاپ لګښت يې د همت کورنۍ پخپله ورکړی دی.

غواړم پرمختګ وکړم خو…. کتاب د نوي توکم د راويښېدو، پر خپل وخت کار او زيار ته د هڅېدو  وړاندي تلو لپاره ګټور اثر باله سي.

کتاب دغه سرليکونه لري:

مخکنۍ خبري

پرخپلي ځوانۍ او توانمندۍ باور وکړئ

خپل مسؤوليت و پېژنئ

په ژوند کي يوه موخه وټاکئ

ټينګ هوډ، اراده او عزم ولرئ

پرځان اعتماد وکړئ

هيڅکله مه نهيلي کېږئ

خو هيله بايد شونې وي

تاسي تر هيچا کم نه ياست!

د درکړل سوو نعمتونو شکرادا کړئ

د وخت قدر وکړئ

د طعنې په اورېدو مه خوابدي کېږئ

هر مقام ته څوک په  هڅه او هاند سره  رسيږي

د نورو تقليد مه کوئ

له وزګاری څخه ځانونه وژغورئ

په نړۍ کي هيڅ کار ناشونى نه دى

تر ماتي وروسته هرومرو برى دى

لږ کار وکړئ، خو په پرله پسې توګه يې وکړئ

ځانته يو ثابت دريځ غوره کړئ

يوه ټاکلې پرېکړه وکړئ

د نن کار سبا ته مه پرېږدئ

همت وکړئ

د سترو شخصيتونو ژوند ليکونه مطالعه کړئ

مجازي عشق موتباه کوي!

پرلوى څښتن تعالى توکل وکړئ

ای ځوانه!

اخيستليک

په دغه کتاب کي  له دغو مأخذونو څخه استفاده سوې ده:

  1. قرآن کريم. تَنْزِيلٌ مِنْ رَبِّ الْعَالَمِينَ.
  2. ابن حنبل ، الامام ابو عبد الله احمد بن محمد. مسند احمد، رياض: مؤسسة الرسالة، لومړى چاپ،1421 هـ . کال.
  3. ابن ماجة، ابو عبد الله محمد بن يزيد. سنن ابن ماجه ، مصر: شركة مكتبة ومطبعة مصطفى البابي الحلبي، د خپرېدو کال يې نه دى معلوم.
  4. البخاري، امام ابي عبدالله محمد بن اسماعيل . صحيح البخاري، بيروت: دار المعرفة،٢٠٠٤ع.کال.
  5. الترمذي، محمد بن عيسى. سنن الترمذي، مصر: شركة مكتبة ومطبعة مصطفى البابي الحلبي، دوهم چاپ، 1395 هـ .کال.
  6. السجستاني، ابو داود سليمان بن الاشعث. سنن ابي داود، بيروت: المكتبة العصرية، د خپرېدو کال يې نه دى معلوم.
  7. المدني، الامام مالك بن انس. الموطا، ابو ظبي : مؤسسة زايد بن سلطان آل نهيان للاعمال الخيرية والانسانية ، لومړى چاپ، 1425 هـ . کال.
  8. مسلم ، امام ابي الحسين. صحيح مسلم، بيروت: دار الفکر، ٢٠٠٠ع.کال.

Ê   Ê   Ê

  1. اختر، محمد.کشکول معرفت،کراچي:کتب خانه مظهري، د خپرېدو کال يې نه دی معلوم .
  2. بتول علوى، ثريا. استاد: ملت کا محافظ، تنظيم اساتذه پاکستان (خواتين)، ٢٠٠٦ع.کال.
  3. پالنپوري، محمد عرفان.تحفة الطلباءو العلماء.ترجمه ملازهي، ابو حامد عبيد الله. نشرنګين کوير،١٣٩٠ل.کال.
  4. حقاني، عبدالباقي. د اسلامي حاکمانو اخلاق او صفات، پېښور: المکتبة الحقانية لعلوم السياسة الشرعية،١٣٩١ل.کال.
  5. خالد، عمرو. دريغ از اين مسلمانى؟! ژباړن، حسامى، محمد عزيز. انتشارات مستقبل، د چاپ کال نه دى معلوم.
  6. زرنوجي، برهان الدين. هيتهوروي، صديق احمد. دوې ملغلري،(د تعلم المتعلم و آداب المتعليم) ژباړه ، شرر. جلال الرحمان. کوټه: مکتبه القرائة و التجويد، د خپرېدو کال يې نه دى معلوم.
  7. زمخشرى. پرتوى از کلام امير المومنين عمر، ژباړن، سراوانى، عبدالقادر. زاهدان انتشارات صديقى،١٣٨٥ل.کال.
  8. سرحدي، ابو سجاد صديق احمد. مثالى شاگرد، کراچي: مکتبه حماديه، ١٤٢٨هـ .کال.
  9. سعيد افغاني،محمدسعيد.د نجات او کاميابۍ لار د علم او فلسفې له نظره،آريانا مطبعه،١٣٧٠ل.کال.
  10. سمرقندى، فقیه ابو الليث. تنبيه الغافلين، ژباړن، سنبهلى، الحسن.صديقى زاهدان. د چاپ کال يې معلوم نه دى.
  11. سيسي، عباس حسن. زړونو ته لار، ژباړن، اسلامي، محمد مزمل. کابل:جمعيت اصلاح د فرهنګي او نشراتو څانګه،١٣٨٧ ل.کال.
  12. الشريف، موسى. همت بلند دار… ژباړن ، صفرزهى ، عبدالرحيم.آواى اسلام،١٣٨٧ل.کال.
  13. عباسي، ابن الحسن کتابوں کي درس گاه مے ، کراچي: مکتبه عمر فاروق، ١٤٢٦ هـ.کال.
  14. عباسي، ابن الحسن.متاع وقت اور کاروان علم،کراچي:مکتبه عمرفاروق،١٤٢٧هـ .کال.
  15. عبدالقيوم. افغان سيد جمال الدين، پښتو ژباړه د عبدالله پاچا، ميوند خپرندويه ټولنه،١٣٨٧ل.کال.
  16. عثمانى، محمود اشرف. دنيا دار الاسباب هے،لاهور: اداره اسلاميات،٢٠٠٣م.کال.
  17. علوان ، عبدالله ناصح.ژباړونکى، شيخي،محسن. نقش جوانان در دعوت اسلامي، خپروونکى، نشراحسان،د خپرېدو کال:١٣٨٢ل.کال.
  18. غزالي، ابوحامد محمد. اخلاق مسلمان، ژباړن: حکيمي، مومن. جمعيت اصلاح و انکشاف اجتماعى،١٣٨٥ ل.کال.
  19. غزالي، ابوحامد محمد. اى زويه!، ژباړن: امل، عبدالحکيم.کابل: ميوند خپرندويه ټولنه،١٣٨٦ل.کال.
  20. قرضاوي، يوسف. د مسلمان په ژوند کي د وخت ارزښت،   ژباړه:شفيق، عبدالناصر.کابل:د النور تعليمي اداره، ١٩٩٨م.کال.
  21. قرضاوى، يوسف. مسؤوليت نسل جوان در عصر انترنيت، ژباړن، خوش خبر، يعقوب.کابل: انتشارات ايلاف،١٣٨٣ل.کال.
  22. قرضاوي، يوسف. نقش ايمان در زندګي،ژباړن، غفارى، فرزانه او ناصرى، محسن.نشر احسان،١٣٨٥ل.کال.
  23. القرنى، عائض بن عبدالله. لا تحزن،ژباړن، ندوى،غطريف شهباز. لاهور:مکتبه خليل،٢٠٠٩م.کال.
  24. القرنى، عائض بن عبدالله. نا اميد مشو، ژباړن: ابراهيمي، محمد.انتشارات ايلاف،١٣٩٢ل.کال.
  25. القرنى، عائض بن عبدالله.د برياليتوب لار،ژباړن، امين، شفيق الله.کابل: جمعيت اصلاح د فرهنګي او نشراتو څانګه،١٣٨٧ ل. کال.
  26. مبارکپورى،صفى الرحمن. الرحيق المختوم، لاهور: المکتبة السلفية،١٩٩٥م.کال.
  27. ملت مل ، تاج الدين. ځوانان او شخصيت جوړېدنه،جلال آباد:ترين مطبعه،١٣٨٦ل.کال.
  28. المنجد، محمد صالح. د ثبات وسيلې،ژباړن،عابد، زمرک.مرکز ترجمه التراث الاسلامي،١٣٧٦ل.کال.
  29. نقاش، محمد طاهر. ايوبى کى يلغارى،لاهور:دار الابلاغ پبلشرز اينډ ډسټرىبيوټرز،٢٠٠٢م.کال.
  30. وردګ، عبدالحميد. د حضرت عمر بن عبدالعزيزعدالتي تګلاره،د خيبرخپرندويه اداره،١٣٨٩ل. کال.
  31. هلباوي،کمال.ژباړونکى،حکمي،عبدالشکور.جوانان
    و آيندۀ افغانستان،خپروونکى:مرکز فرهنګي اسلامي افغانستان، ١٣٧٢ل.کال.

د نوموړى کتاب د وقايې پر لومړي  مخ تر سرليک لاندي دغه جملې راغلي دي:

      ”که غواړئ په ژوند کي برياليتوبونه تر لاسه کړئ، پرمختګ وکړئ، وړاندي ولاړ سئ او په خپلو موخو کي د آسمان د ستوري په شان و ځلېږئ، نو دا ټولګه هرومرو مطالعه کړئ “.

او د کتاب د وقايې پر څلورم مخ د کتاب له متن څخه دغه توري لولو:

ټينګ هوډ، اراده او عزم ولرئ

د برياليتوب او پرمختګ بل مهم شرط ټينګ هوډ او عزم کول دي. انسان چي  هر کار کول  غواړي ، تر څو پوري چي د هغه په اړه ټينګ هوډ ونه کړي او پر هغه باندي ونه دريږي، پرمختګ نه سي کولاى.په دې اړه لوى څښتن تعالى فرمايلي دي:

﴿ فَإِذَا عَزَمْتَ فَتَوَكَّلْ عَلَى اللَّهِ﴾[ال عمران:٣/١٥٩]

ژباړه: او کله چي ټينګه اراده وکړې، نو پرالله توکل وکړه.

کله چي رسول الله  صلي الله عليه وسلم ته  د پېغمبرۍ ستر مقام ور په برخه سو،  نو  هغه د دې ستري فريضې د ادايني لپاره ټينګ هوډ او عزم وکړ او کله چي د هغه اکا ابو طالب د قريشو په غوښتنه د مال او شتو په بدل کي له هغه څخه وغوښتل چي له دې  کارونو  څخه لاس واخلي، نو هغه مبارک تسليم نه سي، بلکي ورته و فرمايي:

«وَاللهِ يا عَمُّ لَوْ وَضَعُوا الشَّمْسَ في يَمِينِي والقَمَرَ في شِمالي ما تَرَكْتُ هَذا الأَمْرَ حَتَّى يُظْهِرَهُ اللهُ أَوْ أَهْلِكَ دُونَه» ([1] ).

ژباړه: اى اکا ! په خداى مي دي  قسم وي، که چيري لمر په راسته لاس کي او سپوږمۍ په څپه  لاس کي راکښېږدي، څو  له دعوت څخه لاس واخلم،  هيڅکله به د هغو غوښتنه ونه منم ، تر څو  يا خداى  مي  په دې لار کي بريالى کړي يا مي هلاک کړي.

د رسول الله  صلي الله عليه وسلم د ټينګ عزم او هوډ  نتيجه وه چي پاى د اسلام سپېڅلى دين د نړۍ تر ګوټ ګوټ پوري ورسېدى او تر نن ورځي پوري مسلمانان په وياړي.

د کتاب ليکوالي پر دغه کتاب سربېره لاندي کتابونه هم ليکلي دي:

(الف) چاپ سوي کتابونه:

١. خوندوري کيسې . ( د کيسو ټولګه ).

٢. د زده کړي او ښووني آدا ب (ژباړه).

٣. په اسلامي علم او ادب  پسوللي ښځي.

٤. د دعوت  اصول او  آداب. (ژباړه).

٥. زما    ژوند    له  کفر څخه  تر  اسلام   پوري

٦. د  کوچنيانو لپاره عبرتناکي  قرآني  کيسې.

٧. د زده کوونکي ډالۍ.

(ب) ناچاپ کتابونه:

١. د کوچنيانو د لنډو کيسو دوولس بېل بېل  کتابګوټي.

٢.  په اسلام کي د ښځي حقوق نوي که زاړه؟ (ژباړه)

٣. زما د احساساتو انځور ( ادبي ټوټې )

٤. د  استاد او شاګرد حقوق

٥.  د ادبي جوړښتونو قرآني  بېلګې

٦. په زړه پوري کيسې

٧. پښتو  نثر پېژندنه

٨. وخت لکه سره زر

٩. پر اسلامي نړۍ باندي د رسنيو  له لاري د يهورو او نصارى يرغل.

څښتن تعالى دي ډېوې جانی ته لا ډېرهمت او برکت ورکړي، چي د اسلام وطن او د خدای د مخلوق د چوپړ په لار کي د لا زياتو ليکنو او چوپړونو جوګه سي آمين.

د ډېوې ”همت لور“ مور  


([1]) – الرحیق المختوم ، ١/ ٣٢٩ مخ.

څرګندونه مو لاندې وليکئ

ستاسو برېښناليک خوندي دی.


*