وروستي:

م م : برما دي د مسلمانانو پر خلاف د روانو کرکو مخه ونيسي

An emotional Rohingya Muslim woman, fleeing sectarian violence in Myanmar, is pictured on an intercepted boat trying to cross the Naf river into Bangladesh in Teknaf on June 13, 2012. Bangladesh on Wednesday refused three more boatloads of Rohingya Muslims fleeing sectarian violence in Myanmar, officials said, despite growing calls for the border to be opened. Bangladeshi guards have turned back 16 boats carrying more than 660 Rohingya people, most of them women and children, since June 11 as they tried to enter from neighbouring Myanmar across the river Naf. AFP PHOTO/ Munir uz ZAMAN (Photo credit should read MUNIR UZ ZAMAN/AFP/GettyImages)

میانمار (برما) دي د مسلمانانو په خلاف د روانو کرکو مخه ونيسي

د مسلمانانو په خلاف به توکميز توپیر ناوړي پایلي رامنځ ته کړي: ملګري ملتونه

نیویارک ۔ العربیہ ډاټ نیټ او نور

 په برما کي پر مسلمان مېشتو سیمو باندي د بودايي ترهګرو او ځايي حکومت د ځناورانه ظلمونو لړۍ پرله پسې روانه ده. ملګرو ملتونو د میانمار د مسلمانانو سره د تر سره کېدونکي ظالمانه او توپیري چلند د ناوړو پایلو په اړه د خبرداري ورکولو په ترځ کي د برما د حکومت څخه وغوښتل چي د مسلمانانو او د هغو د حقوقو ساتل او خوندي کول دي یقیني کړي.

د العربیه ډاټ نیټ د خبر سره سم د ملګرو ملتونو دوو تنو لويو چارواکو په میانمار کي د یکشنبې په ورځ د نومبر پر اتمه د تر سره کېدونکو پارلماني ټاکنو په بهیر کي د مسلمان مېشتو سيمو د هر ډول ممکنه ساتلو او خونديتوب د ډاډ ورکولو غوښتنه کړې ده. د ملګرو ملتونو د چارواکو وينا ده: لکه څنګه چي په میانمار کي د انتخاباتو د چارو امنیت اړين دی، همدغسي هلته د روهنیګیايي مسلمانانو پر خلاف پر روانو کرکو او پاروونکو کړنو باندي هم باید په ټینګه بندیز ولګول سي.

د توکم پالني د مخنيوي لپاره د ملګرو ملتونو د عمومي منشي بان کي مون استازي اداما ډینګ او د منظمي مذهبي، سیاسي توکم پالني په خلاف د بوختي کمېټې مشر جنیفر ویلز په خپله ګده وينا کي ويلي دي چي په میانمار کي د مسلمانانو پر ضد پر توکميز توپیر باندي ولاړ ظالمانه چلند پرله پسې روان دی. د هغو وینا ده چي په میانمار کي د مسلمان لږکي پر ضد روان منظم توکم پالونکی مذهبي او نسلي توپیر د ۲۰۰۸ ع.کال د ترتيب سوی قانون د ۳۶۴مادې څخه څرګنده سرغړونه ده.

د ملګرو ملتونو د استازو ويناده چي موږ په پلاوو پلاو په دې اړه له خطرناکو پایلو څخه خبر ورکوو، ځکه له میانمار څخه په راتلونکو خبرونو کي ويل کيږي چي هلته د مسلمان لږکي پر خلاف د کرکي پاروني چاري يو وار بیا زور اخيستی دی. په تېره د میانمار د مذهبي ډلو او د بېلو بېلو سیاسي ګوندونو وسله والو کسانو د مسلمانانو پرخلاف د توکم پالني ناوړي چاري رواني ساتلي دي. په راتلونکو ورځو کي کېدای سي د مسلمانانو په خلاف په کرکو کي نور زیاتوب هم راسي.

د ملګروملتونو د نړۍ والي ادارې چارواکو خبرداری ورکړی دي چي په میانمار کي د مسلمانانو په خلاف رواني کرکي پاروونکی چاري کولای سي خپله د برما لپاره درانه عواقب رامنځ ته کړي. د مسلمانانو په خلاف روان نفرت پاروونکی مهم د تشدد لار اواروي. حکومت ته لازمه ده د نړۍ وال قانون سره سم د لږکيو د خونديتوب لپاره اغېزمن ګامونه اوچت کړي او د مسلمانانو په خلاف رواني کړني بندي کړي.

هغو څرګنده کړه چي اندېښنه لري چي په میانمار کي د راتلونکي یکشنبې د ورځي په ټاکنو کي د مسلمان لږکي په اړه د زیاتو تنګولو لپاره لار نوره هم اواره سي او د روهنيګیا د مسلمانانو حقوق ترپښو لاندي سي.

د ملګرو ملتونو دغو چارواکو وويل چي په روهنيګیا کي د مسلمان لږکی د حقونو ترپښو لاندي کېدل او پر هغو باندي ظلمونه نوي نه دي، بلکي له څو لسيزو څخه روان دي. د روهنيګیا حکومتونه د يوه منظم پلان له مخي د مسلمان اقلیت څخه د غچ اخيستلو لپاره له ډېرو سختو قوانينو څخه مرسته ترلاسه کوي. له بده مرغه په برما کي د ټولو طبقو د استازي حکومت د رامنځ ته کېدو پرځای د بودايي مذهب د سخت دریزو استازي ځواکونه واک ته رسېدلي دي او پر لږکیو، په تېره پر مسلمانانو باندي ځناورانه ظلمونه کوي.

ع،

څرګندونه مو لاندې وليکئ

ستاسو برېښناليک خوندي دی.


*