په بورما کې د حکومت لخوا د مسلمانانو د قتل په اړه غوڅ دلایل
داسې کره اسناد او شواهد موندل شوي دي چې په بورما کې د روهینګا مسلمانانو قتل عامونه د حکومت په لارښونه شوي دي
په بورما کې د داسې او اسناد او شواهد موندل شوي دي چې پکې ښکاره ویل شوي چې د روهینګا د مسلمانانو قتل عام کې حکومت لاس لري.
د الجزیرې د خبر له مخې د ییل پوهنتون د حقوقو د پوهنځي په چوکاټ کې فعالیت کوونکي د لونشتاین څیړنیز کلینیک د ۸ میاشتو څیړونو په ترڅ کې داسې کره اسناد او شواهد ترلاسه کړي دي چې پکې په ښکاره توګه ویل شوي دي چې روهینګا د مسلمانانو قتل عام د حکومت په سلا مشوره شوی دی .
په خبر کې راغلي دي چې د لونشتاین څیړنیز کلینیک ته دا اسناد او شواهد د ځواکمنو حقونو په نامه د بشري حقونو او څیړنیز سازمان لخوا په اختیار کې ورکړل شوي دي. د لونشتاین څیړنیز کلینیک لخوا د اسناد او شواهدو د څیړولو او ارزولو نه وروسته ویل شوي دي چې دې کره اسنادو او شواهدو او پدې اسناد کې د روهینګا د مسلمانانو په اړه د بورما د سیاستوالو څرګندونو او ترسره شوو ظلمونو ته په کتو سره داسې امکان نشته چې څوک ووایي چې دا قتل عامونه د حکومت لخوا ندي ترسره شوي .
د ( قتل عام یادښتونه ) په نامه په جوړ شوي مستند کې په ښکاره توګه څرګند شوي دي چې د بورما سیاستوالو او حکومت د خپلو سیاسي ګټو او بقاء په خاطر د روهینګا د مسلمانانو پر خلاف د نفرت نه ډکې او پارونکې څرګندونې کړي او په ټولنه کې د هغوې پر خلاف د نفرت پارولو هڅه کړې او د بودیستو افراطي ډلو نه يي مالي ملاتړ کړی دی .
د بله پلوه د لندن د پوهنتون یو تن استاد او دولتونو لخوا د ترسره کیدونکو جرایمو د څیړونو د نړئوالې ادارې مشر پروفیسور پاني ګرین ویلی دي چې د بورما ولسمشر تین سین د حکومت د ګټو په خاطر د روهینګا د مسلمانانو پر خلاف د نفرت نه ډکو څرګندونو سره تل د مسلمانانو د تجرید کولو، هغوې ته د دویم او دریم صنف معامله کولو، د هغوې د نفوس د کمولو هڅه کړې ده .هغه ویلي دي چې په بورما کې په ۲۰۱۲ کلونو کې رامنځته شوې پیښې پلان شوي پیښې وې.
د بله پلوه د بورما لپاره د ملګروملتونو ځانګړي استازي په ۲۰۱۲ کال کې په نوموړي هیواد کې د ترسره شوو عام وژنو په خاطر د ولسمشر تین سین او کورنیو چارو او کډوالو د چارو د وزیرانو پر خلاف د عام وژنو له امله د څیړونو د پیلولو غوښتنه کړې وه.
د ویلو ده چې په ۲۰۱۲ کال کې د بودیستانو او مسلمانانو ترمنځه په نښتو کې په سلګونو او په زرګونو تنه وژل شوي وو او ۱۴۰ زره تنه د روهینګا مسلمانانو د خپلو کورونو پریښودو ته اړ شوي وو.
