وروستي:

ځان زیندۍ کړه

ليکنه: حامد افغان

وايي دهمالیي دغرونوشاته یوه کوچنی سیمه وه چې واک یې دیوه عمرخوړلي ، تجربه کاراوهوښیار سړي په لاس کې و ، ناروغي ډیر بیسیکه کړی و او پوهیدی چې مرګ یې په دروازه کې ولاړ دی ، ده ایکي یو ځلمی ، مست ، اوناخبره زوی لاره ، یوه ورځ یې خپل زوی راوغوښت او ورته کړه یې : زویه ! زما دمرګ شپي رانږدي شوي دي یو وصیت درته کوم په یاد یې لره او هغه داچې که یو وخت دي ژوند سخت شو اوله ژونده دي زړه شین شو نو زموږ دقصر شاته یوغار ده هغه ته ولاړ شه ، هلته په چت کې یو پړی راځړیږې هغه غاړي ته واچوه څو دژوند له سختیو په ارام شې .
له دي وصیت کم وخت وروسته دسپینږیري مرګ میلمه شو او له نړۍ یې سترګي پټي کړې ټوله شتمني یې ناخبره او مست زوی ته پآته شوه ، هغه بي له کوم سوچ اوفکر په عیاشیو او مستیو کې دپلار ورپاته دنیا یوه بل خوا شیندله ، او په خپأو بیلاري ملګرو یې خوړله هغه ملګري چې پلاریې څو ځله ورت ویلي و چې د دوی له ملګرتیا لاس واخله ، په کمه موده کې دپلار ګټلي دنیا په ډیره اساني سره د دي ناخبره زوی له لاسه ووتله ، اوسمدستي یې حالاتو بدلون وخوړ ، ټولو نږدي ملګرو ورته شا کړه او ورته ویل به یې تاپه خپل لاس خپله شتمني برباد کړي ده خپل کار کوه د ناخبره ځوان ژوند بیخونده شو ، دي نازولي په خپل ژوند کې یوه ګړی هم په سختي کې نه وه تیره کړي نو دا سخت حالت یې نشوی زغملی او په دي وخت کې یې دپلار وروستی وصیت ورپه یاد شو ، ل ځانه سره یې وویل : پلار ! ستا وصیت به نن په ښمر کړم اوستا له وصیت سره سم به ځان زیندی کړم ، سمدستي د خپل قصر شاته غار ته ولاړ هلته یې دپلار له وینا سره سم په چت کې ځوړند پړی ولید ، له سترګو یې وروستی اوښکي وبهیدلي او بي له ځنډه یې پړی غاړي ته کړ …..

او ځان یې ښکته پریښود ….!!
څه فکر کوئ چې مړ شوی به وې او هرڅه پای ته ورسیدل ؟!
ایا دا ناخبره اونازولی ځوان له داسې بدمرغه انجام سره مخ شو او که خبره بل ډول ده ؟
هوکې ! کله چې ده ځان ښکته پرېښود او دمرګ کومي ته یې ورټوپ کړل ، ځمکي ته په رسیدلو سره له پاسه دسرو اوسپینو زرو دسیکو شرنګولی باران پیل شو، په ځمکه له لویدلو سره سم یې شاوخوا غولی دسرواوسپینو په سیکووپوښل شو چې یوه لیکلي پاڼه هم پکي پرته وه په هغه کې یې پلار ورته لیکلي و :
زویه ! اوس به پوهیدلی یې چې کله سترګي سمي رڼی او وغړوې او له بیکاره ملګرو لري شې دنیا بیاهم له هیلو او امیدونو ډکه ده ، دا شاوخوا چې درته پرته ده دا زما دشتني نیمایې برخه ده چې ستا له پاره مې دلته ساتلي وه اود دي نیمایې برخي دترلاسه کولو له پاره مې دا طریقه ځکه درته غوره کړه څو سمي لاري ته برابر ، له بیکاره ملګرولاس په سر او بیځایه لګښتونه پریږدي .

4 څرګندونې on ځان زیندۍ کړه

  1. محترم بیانزی صاحب ستاسو زیاتونه په زړه پوري ده الله مو ښاد لره.
    باور وکړه استاده تاسو چې ماته کومه حوصله راکوئ هغه زما له پاره ډیر لوی شی ده. الله مو تل سرلړی لره.

  2. د همدی مضمون لووستونکو ته یادونه کوم چی دا یو خاص پړی وو چي یو پلار خپل زوی ته ښوولی وو نور هغه پړی چی نن سبا یی د دنیا بعضی ښځینه او نارینه ځوانان د دنیا د ناخوالو خاتمه بولی او د دنیایي مشکلاتو د حل یوازنی لار یې بولی داسی هیڅکله نه ده بلکی دا کړنه (ځان د پړي په وسیله وژل) د ابدی ژوند (اخرت) خرابول وی چی ابدا به د دنیا تر ناخوالو زیات په مشکل کی وی.

  3. الحاج استاد بیانزی // جولای 1, 2012 at 12:03 pm // ځواب

    رشتیا هم ښکلی قیصه وه کشکی مونږ ته هم زمونږ والد صاحب داسی خزانه بریښی وی ، دا خبره می څکه وکړه چه هر سړی څه داسی مفت پیدا کړی نو هر سړی همداسی وایی چه کشکی ماته هم الله چ داسی پلار راکړی وی او داسی خزانه یی راته ساتلی وی . خو انسانان په بیلو بیلو شرایطو کی پیدا کړی دی او څامن یی هم ډول ډول بیدا کړی دی څینی په دولت ، حیینی په پوهه او څینو ته الله ج دیز شه عمر ، روغتیا او تجربه ورکړی وی ، څوک بیا دیر قانع او حوصله لری او څوک د اوجت غیرت او شهامت ، څیا او عفت څښتن وی دا هم په پلار کی او هم په زوی او هم د کورنی به نورو غړو او دوستانو کی کیدونکی ده ، څینو ته بیا الله ج دا تول او بیا نورو ته یو ، دوه ، دری او څلور ورکړی وی او څوک بیا یو هم نه لری بد مرغه او ذلیله وی دا د الله ج برخی دی ، خو له تولو دیر مهم هغه څوک دی چه حریص نه وی او قناعت وکړی او د یو الله ج نه به غیر بل جاته سر ټیټ نه کړی ،دا د الله چ دیز نیکمرغه او بریالی انسان دی الله ج دی مونږ ته د قناعت مړشت او سرمایه راکړی او بس

څرګندونه مو لاندې وليکئ

ستاسو برېښناليک خوندي دی.


*